وکی پیڈیا کے مطابق مدھو بالا (Madhubala) مشہور بھارتی اداکارہ اور پروڈیوسر ، 14 فروری 1933ء کو دہلی میں پیدا ہوئیں۔
1960-70ء کے عشرے کی انتہائی خوب صورت اور ہمہ جہت خوبیوں سے مالا مال اداکارہ مدھو بالا نے اپنی فلمی زندگی کا سفر 9 سال کی عمر سے شروع کیا تھا۔ فلم ساز اور ہدایت کار کیدار شرما نے 1935ء میں انھیں اپنی پہلی فلم ’’نیل کمل‘‘ میں بطورِ ہیروئین سائن کیا تھا۔ اس وقت مدھو بالا کی عمر محض 13 سال تھی۔ پھر ’’محل‘‘، ’’ترانہ‘‘، ’’مسٹر اینڈ مسز 55‘‘، ’’ہاؤڑا برج‘‘، ’’کالا پانی‘‘ اور ’’چلتی کا نام گاڑی‘‘ جیسی کئی کامیاب فلموں میں کام کیا، لیکن فلم ’’مغلِ اعظم‘‘ میں ان کی اداکاری اور حسن کے بہت چرچے ہوئے ۔
فلمی سفر جتنا کامیاب رہا، ان کی ذاتی زندگی اتنی ہی ناکام رہی۔ اپنے دور کے کامیاب اداکار اور شہنشاہِ جذبات دلیپ کمار سے محبت کی۔ 6 سال تک ان کے درمیان دوستی رہی، لیکن مدھو بالا کے والد عطاء اللہ خان گنڈا پور کو ان کی دوستی پسند نہیں آئی اور یہ حسین جوڑی ٹوٹ گئی۔ اس کے بعد مدھو بالا نے گلوکار کشور کمار سے شادی کی، لیکن کم عمری ہی میں 1969ء میں ان کا انتقال ہوگیا۔
شمار بالی وڈ کی انتہائی خوب صورت اداکاراؤں میں کیا جاتا ہے۔ بلا کی خوب صورتی کے ساتھ ساتھ ان میں اداکاری کی زبردست صلاحیت تھی۔ محکمۂ ڈاک نے 2008ء میں ان کی یاد میں ڈاک ٹکٹ بھی جاری کیا۔ انڈین سنیما میں نرگس، مینا کماری اور نوتن جیسی اداکاراؤں کے دور میں مدھوبالا نے اپنی ایک منفرد چھاپ چھوڑی تھی۔
23 فروری 1969ء کو ممبئی میں انتقال کرگئیں۔
