وکی پیڈیا کے مطابق جیتیندر (Jeetendra) مشہور بھارتی اداکار، ٹی وی اور فلم پروڈیوسر، بالا جی ٹیلی فلم، بالا جی موشن پکچرز اور اے ایل ٹی انٹرٹینمنٹ کے چیئرمین، 7 اپریل 1942ء کو امرتسر میں پیدا ہوئے۔
اصل نام روی کپور ہے۔ اپنے وقت کے منفرد رقص کے لیے مشہور ہیں۔80ء کی دہائی کے دوران میں سری دیوی اور جیا پرادا کے ساتھ ان کی متواتر جوڑی کے علاوہ ان کی مقبول ساتھی اداکاراؤں میں رینا رائے ، نیتو سنگھ، ہیما مالینی، سلیکشنا پنڈت، بندیا گوسوامی، موشمی چیٹرجی اور ریکھا شامل تھیں۔
2003ء میں فلم فیئر لائف ٹائم اچیومنٹ ایوارڈ اور 2006ء میں اسکرین لائف ٹائم اچیومنٹ ایوارڈ سے نوازے گئے۔ جنوبی ہند کی متعدد فلموں خصوصاً تیلگو زبان کے 80 سے زیادہ ’’ری میک‘‘ کیے ۔ اپنے طویل فلمی کیریئر کے دوران میں 1960ء کی دہائی سے 121 کامیاب فلمیں دیں۔
