وکی پیڈیا کے مطابق روی تیجا (Ravi Teja) تیلگو فلموں کے مہنگے ترین اداکاروں میں سے ایک اور پروڈیوسر، 26 جنوری 1968ء کو آندھرا پردیش، بھارت میں پیدا ہوئے۔
ماس مہا راجا کے نام سے بھی جانے جاتے ہیں۔تیلگو سنیما کے مقبول ترین اور مہنگے ترین اداکاروں میں شمار ہوتے ہیں۔ اب تک ساٹھ سے زائد فلموں میں اداکاری کرچکے ہیں۔ فلم ’’نی کوسم‘‘ (1999ء) اور ’’خدگام‘‘ (2002ء) میں بہترین اداکاری پر انھیں 1999ء اور 2002ء میں ’’نندنی اسپیشل جیوری ایوارڈ‘‘ سے نوازا گیا۔ 2008ء میں انھیں فلم ’’نینتھی‘‘ پر ’’اسٹیٹ نندنی ایوارڈ برائے بہترین اداکار‘‘ دیا گیا۔
2012ء میں ’’فوربز‘‘ کی 100 سرِفہرست شخصیات میں روی سالانہ 2.3 ملین ڈالر آمدنی کے ساتھ 50ویں نمبر پر تھے، تاہم 2013ء میں 68ویں اور 2015ء میں 74ویں نمبر پر رہے۔
