[et_pb_section admin_label=”section”]
[et_pb_row admin_label=”row”]
[et_pb_column type=”4_4″]
[et_pb_text admin_label=”Text”]
عام طور پر سبز چائے کا استعمال مرغن غذاؤں یا خوب سیر ہوکر کھانے کے بعد کیا جاتا ہے،لیکن اس کے ساتھ ساتھ اس چائے کے انسانی صحت پر بہت اچھے اثرات مرتب ہوتے ہیں۔ سبز چائے درج ذیل خوبیوں کے ساتھ صحت دوست چائے تصور کی جاتی ہے۔
کینسر کا مقابلہ کرنا:۔ کینسر کے خلاف برسرپیکار معالج حضرات کا ماننا ہے کہ سبز چائے کینسر کے خلاف بھرپور مزاحمت کرتی ہے۔

کولیسٹرول کو کم کرنا:۔ سبز چائے کولیسٹرول کو کم کرنے کے لئے گویا اکسیر ہے۔

امراض قلب سے حفاظتـ:۔ سبز چائے کی خصوصیات میں سے ایک یہ بھی ہے کہ یہ آدمی کو امراض قلب سے دور رکھنے میں معاون ہے۔

ہاضمہ میں بہتری:۔ اگر آپ کو ہاضمے کی شکایت ہے، تو سبز چائے کو اپنے معمول کا حصہ بنائیں، شکایت دور ہوجائے گی۔

ذیابیطس سے بچاؤ:۔ سبز چائے جہاں کینسر جیسے موذی مرض کی راہ میں رکاوٹ ہے، وہاں ذیابیطس سے بچاؤ کا ذریعہ بھی ہے۔

خون کی گردش کو بہتر بنانا:۔ اگر آپ کو بلند فشار خون کی شکایت ہے، تو سبز چائے زیادہ سے زیادہ مقدار میں لیا کریں، اس کے استعمال سے آپ کے خون کی گردش کا عمل بہتر ہوجائے گا۔

بدبو دار سانس سے چھٹکارا:۔ اگر آپ کی سانسوں سے بدبو آ رہی ہے، تو اس کے لئے کسی بھی امپورٹڈ ماؤتھ واش سے زیادہ سبز چائے کا استعمال مؤثر ہوگا۔ آزمائش شرط ہے۔

فوڈ پوائزننگ سے نجات دلانا:۔ اکثر ہمیں اخبارات یا نیوز بلیٹن میں فوڈ پوائزننگ کے حوالہ سے سننے کو ملتا ہے۔ اگر آپ اس عمل سے بچنا چاہتے ہیں، تو روزانہ تین سے چار کپ سبز چائے پینا اپنا معمول بنائیں۔

دانتوں کی صحت کے لئے مفید:۔ دانتوں کی صحت کے لئے مسواک، ٹوتھ پیسٹ اور ماؤتھ واش کے ساتھ ساتھ سبز چائے کو بھی اپنا روٹین بنائیں۔

نوٹ: یہ مضمون عام قارئین کے لئے ہے۔ بہتر ہے کہ اس حوالہ سے اپنے معالج سے بھی مشورہ لیا جائے۔
[/et_pb_text]
[/et_pb_column]
[/et_pb_row]
[/et_pb_section]