بھارت کے سیاسی اور روحانی رہنما اور آزادی کی تحریک کے اہم ترین کردار موہن داس کرم چند گاندھی تیس جنوری 1948ء کو قتل کیے گئے۔
وکی پیڈیا کے مطابق آپ کو 30 جنوری 1948ء کو برلا ہاؤس (موجودہ گاندھی سمرتی) میں قتل کیا گیا، جہاں گاندھی کسی مذہبی میل ملاپ میں اپنے خاندان کے ساتھ موجود تھے۔ اس جگہ ’’ہندو مہاسبھا‘‘ سے تعلق رکھنے والا ایک انتہا پسند و قوم پرست ہندو شخص ’’نتھو رام گوڈسے‘‘ پہنچا اور اس نے موہن داس گاندھی پر گولی چلائی۔ حادثہ کے بعد گاندھی کو فوراً برلا ہاؤس کے اندر لے جایا گیا مگر تب تک وہ دم توڑ چکے تھے۔
اس حملے سے پہلے ان پر پانچ مزید حملے بھی ہوئے تھے، مگر ان سب میں قاتل ناکام رہے تھے۔ ان میں سب سے پہلی ناکام کوشش 1934ء میں کی گئی تھی۔
