ہمارا ہنسنا پل بھر میں ہمیں زندگی کا ایک بہترین احساس دلا سکتا ہے۔ ہنسنا مسکرانا اگر ایک طرف ہماری شخصیت کو چار چاند لگاتا ہے تو دوسری طرف یہ ہماری صحت کے لئے بھی بہت مفید ہے۔ محققین کا ماننا ہے کہ ہنسی انسان کے لئے ایک بہترین دوا ثابت ہو سکتی ہے۔
بلڈ پریشر: ہنسی بلڈ پریشر کو کم کرتی ہے۔ یہ دل کے دورے اور اسے لاحق دیگر خطرات کو ٹالنے میں مدد دیتی ہے۔
خوشی کا سبب: ہنسی انسانی جسم میں دباؤ کے ہارمونز کو کم کرتی ہے اور ایسے ہارمونز بڑھاتی ہے جو خوشی کا سبب بنتے ہیں۔
درد کا علاج: تحقیق سے ثابت ہوتا ہے کہ ہنسی درد اور تکلیف کی شدت کم کرنے کے لئے کارگر ہے۔
کینسر سے چھٹکارا: ہنسی کینسر میں شفایابی پانے کے لئے بھی مفید ثابت ہوسکتی ہے۔
خون کا دورانیہ بڑھنا: ہنسی خون کے دورانیہ کو بڑھاتا ہے جس سے انسان تازہ دم محسوس کرتا ہے۔
جوان نظر آنا: ہنسنے کی ایک بڑی خوبی یہ بھی ہے کہ اسے اپنی شخصیت کا حصہ بنا کر آپ جوان نظر آنا شروع ہوجائیں گے۔
وزن کم کرنا: حیرت انگیز طور پر ہنسنا مسکرانا وزن میں کمی کا باعث بنتا ہے۔
تھکاوٹ کو دور کرنا: آج کل کی مصروف زندگی میں آپ کا مسکرانا تھکاوٹ دور کرنے کا آسان نسخہ ہے۔
سانس لینے میں آسانی: ہنسنا مسکرانا سانس لینے میں بھی مددگار ہے۔ یہ سانس لینے کے عمل کو مزید آسان بنادیتا ہے۔
پرسکون نیند: ہنستے مسکراتے انسان کا یہ عمل اس کے ذہنی سکون کا باعث بنتا ہے، جس کی وجہ سے وہ سکون کی نیند کے مزے لے سکتا ہے۔
نوٹ:۔ یہ مضمون عام قارئین کے لئے ہے۔ بہتر رہنمائی کے لئے ڈاکٹر سے رجوع کریں۔
