وکی پیڈیا کے مطابق عنایت اللہ التمش (Inayat Ullah Altamash) معروف ادیب، صحافی، مدیر، افسانہ نویس، جنگی وقایع نگار اور تاریخی ناول نگار، 16 نومبر 1999ء کو لاہور میں انتقال کرگئے۔
1 نومبر 1920ء کو گوجر خان میں پیدا ہوئے۔ اپنے یادگار تاریخی ناولوں اور پاک بھارت جنگ 1965ء اور پاک بھارت جنگ 1971ء کی داستانوں سے شہرت پائی۔ ماہنامہ حکایت اور سیارہ ڈائجسٹ کے پیچھے ان ہی کی شب و روز محنت تھی۔ ’’میم الف‘‘، ’’احمد یار خان‘‘، ’’وقاص‘‘، ’’محبوب عالم‘‘، ’’التمش‘‘، ’’صابر حسین راجپوت‘‘ اور دیگر قلمی ناموں سے بھی شاہکار ادب تخلیق کیا۔79 سال کی عمر تک بھرپور ادبی تخلیقات اُردو ادب کو دیں جن کی تعداد لگ بھگ 100 کے قریب ہے۔
